14 кастрычніка 2023 г. – 120 гадоў з дня нараджэння Уладзіміра Аляксандравіча Барысава (1903–1993), генерал-маёра, Героя Савецкага Саюза, Ганаровага грамадзяніна г. Баранавічы
Уладзімір Аляксандравіч Барысаў нарадзіўся 14 кастрычніка 1903 г. у в. Такавая Яраслаўскай губерні (цяпер Барысаглебскага раёна Яраслаўскай вобласці) у сялянскай сям’і. Скончыў царкоўна-прыходскую школу. У 13 гадоў бацькі адправілі хлопчыка ў Петраград на прыслужванне ў гастранамічную краму. У 1918 г. ён вярнуўся ў роднае сяло.
13 ліпеня 2023 г. — 100 гадоў з дня нараджэння Паўла Максімавіча Арчакова (1923–2014), удзельніка Вялікай Айчыннай вайны, Ганаровага грамадзяніна г. Бярозы (1974)
Павел Максімавіч Арчакоў нарадзіўся 13 ліпеня 1923 г. у в. Сінія Ліпягі Ніжнедзевіцкага раёна Варонежскай вобласці. У 1939 г. закончыў 9 класаў Ніжнедзевіцкай школы, працаваў служачым. Марыў аб службе ў Чырвонай арміі. У пачатку 1940 г. напісаў ліст Наркому абароны СССР маршалу С. К. Цімашэнку з просьбай залічыць яго ў армію. 5 мая 1941 г. вызваны ў ваенкамат, залічаны курсантам Арлоўскага пяхотнага вучылішча.
У чэрвені 1941 г. курсантаў адправілі ў Беларусь на Слуцкі хімічны палігон. Вялікую Айчынную вайну Павел Арчакоў сустрэў на заходняй граніцы. 25 чэрвеня прыняў свой першы бой з захопнікамі на рацэ Ясельда. Восенню на пасадзе камандзіра ўзвода ў складзе 17-й асобнай курсанцкай стралковай брыгады абараняў Маскву ў раёне в. Крукава. Удзельнічаў у баях пад Сталінградам, на Украіне ў бітве за Дняпро, у баях за вызваленне Беларусі, у штурме Кёнігсберга і Берліна, вызваленні Прагі.
6 верасня 2023 г. — 100 гадоў з дня нараджэння Уладзіміра Мікалаевіча Васільева (1923–2005), удзельніка Вялікай Айчыннай вайны, грамадскага дзеяча, работніка культуры
Уладзімір Мікалаевіч Васільеў нарадзіўся 6 верасня 1923 г. у Латошынскай воласці Валакаламскага павета Маскоўскай губерні (цяпер Латошынскі раён Маскоўскай вобласці). У 1940 г. закончыў дзесяцігодку, паступіў на педагагічныя курсы пры Загорскім педагагічным інстытуце, працаваў выкладчыкам фізкультуры ў школе.
У канцы 1941 г. Уладзімір Васільеў стаў працаваць пісарам у ваенкамаце. У сакавіку 1942 г. прызваны ў Чырвоную армію. Удзельнічаў у баях супраць нямецка-фашысцкіх захопнікаў, двойчы паранены. Быў камсоргам батальёна, палка, памочнікам начальніка палітаддзела брыгады. З награднога ліста: «У баях за в. Грэдзякіна [Зубцоўскі раён Цвярской вобласці] 29–30 лістапада 1942 г. сяржант Васільеў быў на перадавой лініі. …Калі са строю выбыў камандны састаў падраздзялення, прыняў камандаванне ротай на сябе. Прывёў роту ў парадак, выслаў разведку, падрыхтаваў да трэцяга дня бою». Узнагароджаны ордэнам Чырвонай Зоркі (1943), трыма медалямі.
22 лютага 2023 г. — 105 гадоў з дня нараджэння Надзеі Сямёнаўны Бабковай (1918–1998), удзельніка Вялікай Айчыннай вайны, бібліятэчнага работніка
Надзея Сямёнаўна Бабкова нарадзілася 22 лютага 1918 г. у в. Хамінка Чэрыкаўскага павета Магілёўскай губерні (цяпер Касціковіцкага раёна Магілёўскай вобласці). У 1931 г. закончыла сем класаў Касцюковіцкай школы і паступіла на аднагадовыя курсы пры Магілёўскім палітыка-асветніцкім інстытуце. У 1932–1936 гг. вучылася на бібліятэчным факультэце Магілёўскага палітасветінстытута.
Пасля заканчэння інстытута Надзея Бабкова была накіравана ў г. Мазыр на пасаду загадчыка гарадской бібліятэкай. У ліпені 1938 г. пераведзена ў Мазырскі абласны аддзел народнай адукацыі інспектарам па бібліятэках. У снежні 1939 г. камандзіравана Наркамасветам у г. Брэст, дзе працавала інспектарам па бібліятэках абласнога аддзела народнай адукацыі.
14 сакавіка 2023 г. — 105 гадоў з дня нараджэння Уладзіміра Міхайлавіча Талкачова (1918–2012), заслужанага ўрача БССР (1966), Ганаровага грамадзяніна г. Косава
Уладзімір Міхайлавіч Талкачоў нарадзіўся 14 сакавіка 1918 г. у в. Ветухны Чэрыкаўскага павета Магілёўскай губерні (цяпер Касцюковіцкага раёна Магілёўскай вобласці) у сялянскай сям’і. У 1933 г. закончыў школу калгаснай моладзі, працаваў у калгасе, у 1934 г. паступіў вучыцца на фельчара ў Магілёўскі медпалітэхнікум. У 1937 г. стаў студэнтам Мінскага медыцынскага інстытута. Пасля заканчэння двух курсаў быў прызваны ў Чырвоную армію.
15 мая 2023 г. — 100 гадоў з дня нараджэння Варлама Міхайлавіча Кублашвілі (1923–1997), пагранічніка, Ганаровага грамадзяніна г. Брэста (1985)
Варлам Міхайлавіч Кублашвілі нарадзіўся 15 мая 1923 г. у сяле Ахалдаба Тквібульскага раёна Грузінскай ССР у сям’і рабочага-шахцёра. Пасля заканчэння 7 класаў працаваў слесарам на шахце імя Сталіна ў г. Тквібулі. Прызваны ў Чырвоную армію 4 мая 1942 г., накіраваны ў пагранічныя войскі на Далёкім Усходзе. Служыў стралком заставы ў 69-й Ханкайскім пагранічным атрадзе.
Вясной 1944 г. Варлам Кублашвілі пераведзены на заходнюю граніцу — у 84-ы (Валкавыскі) пагранічны атрад НКУС Беларускай акругі. Вучыўся ў школе службовага сабакаводства. З’яўляўся інструктарам каманды службовых сабак, праяўляў пільнасць і знаходлівасць у пагранічных нарадах. Яго сабака быў адным з лепшых, браў нават даўнія сляды.
13 студзеня 2023 г. — 125 гадоў з дня нараджэння Пятра Іванавіча Ратайкі (1898–1982), дзяржаўнага дзеяча БССР, удзельніка Кастрычніцкай рэвалюцыі, Грамадзянскай і Вялікай Айчыннай войн
Пётр Іванавіч Ратайка нарадзіўся 13 студзеня 1898 г. у в. Пескі Кобрынскага павета Гродзенскай губерні (цяпер Кобрынскага раёна Брэсцкай вобласці) у сялянскай сям'і. У 1912 г. скончыў тры класы мясцовай школы, потым працаваў разам з бацькамі на гаспадарцы. У верасні 1915 г. з набліжэннем германскіх войск сям’я Ратайкаў эвакуіравалася ў г. Арэнбург, там Пётр працаваў на Арэнбургска-Орскай чыгунцы.
17 сакавіка 2023 г. — 105 гадоў з дня нараджэння Аляксея Канстанцінавіча Скрылёва (1918–1946), удзельніка Вялікай Айчыннай вайны, Героя Савецкага Саюза
Аляксей Канстанцінавіч Скрылёў нарадзіўся 17 сакавіка 1918 г. у сяле Міхайлаўскае Краснаярскага павета (цяпер Ужурскага раёна Краснаярскага края) у сялянскай сям’і. Бацькі паходзілі з перасяленцаў з Арлоўшчыны. У Міхайлаўскім Аляксей закончыў пачатковую школу. У 1933 г. сям’я пераехала ў г. Ужур, дзе закончыў дзевяць класаў чыгуначнай школы № 39, потым – тры курсы рабфака Краснаярскага лесатэхнічнага інстытута.
1 жніўня 2023 г. — 110 гадоў з дня нараджэння Дзмітрыя Сцяпанавіча Дацэнкі (1913–1991), удзельніка Вялікай Айчыннай вайны, Героя Савецкага Саюза
Дзмітрый Сцяпанавіч Дацэнка нарадзіўся 1 жніўня 1913 г. у сяле Аннаўка Запарожскай вобласці ў сялянскай сям’і. Яшчэ ў яго дзяцінстве сям’я пераехала ў г. Горлаўка. У 1935 г. закончыў будаўнічы тэхнікум, працаваў на машынабудаўнічым заводзе.
12 лістапада 2023 г. — 120 гадоў з дня нараджэння Аляксандра Андрэевіча Вахрушава (1903–1945), ваеннага дзеяча, удзельніка вызвалення Беларусі
Аляксандр Андрэевіч Вахрушаў нарадзіўся 12 лістапада 1903 г. у в. Аўсяннікава Харынскай воласці Тоцемскага павета Валагодскай губерні (цяпер Валагодскай вобласці) у сялянскай сям’і. У хуткім часе сям’я пераехала ў г. Волагду. У 1916 г. Аляксандр скончыў чатырохкласную школу. Працаваў качагарам і матросам на параходзе, на паліўным складзе станцыі Волагда.